زبانحال مادر

 

ای غنچه گللر پاره‌سی، لایلای علی لا‌یلای
وای بوْش قالان گهواره‌سی، لایلای علی لا‌یلای
---------
دنیا سویونون داشینی آتدون، آنان اؤلسون
اکبر قانینا قانیوی، قاتدون آنان اؤلسون
اوچ گوندی یاتمردون نیه یاتدون آنان اؤلسون
اینجیر بوْغازون یاره‌سی، لایلای علی لا‌یلای
---------
تاپدی سنی پیک اجل، دینجل بالا دینجل
حلقون یارادور وورمام ال، دینجل بالا دینجل
سوایچمه‌دین سن لااقل، دینجل بالا دینجل
یوْخدور سنه سوچاره‌سی، لایلای علی لا‌یلای
---------
قالدون اوْغول حسر‌ت سویا، سود اشتیاقینده
سوْلدون سارالدون گول کیمی، بو غنچه چاقینده
گئت استراحت قیل آنان زهرا قوجاقینده
اوْلما فرات آواره‌سی، لایلای علی لا‌یلای
---------
شامه گئد‌ر بیکس آنان اصغر خداحافظ
آدون دیلیمه ائتمیشم، ازبر خداحافظ
سؤیله دیلیمجن اکبره، اکبر خداحافظ
اوْلدوم وطن آواره‌سی، لایلای علی لا‌یلای
---------
آخر اسیر‌م نیلیوم، شمرجفاکاره
بزم یزیده یا چکر یا کوچه بازاره
منلن اوْلور یوْل یوْلداشی، لیلای بیچاره
باشندا اکبر قاره‌سی، لایلای علی لا‌یلای
---------
مضطر،یانار بوسؤزلره هر قلب اوْلا داشدان
آغلار یقین نائل اولور، چوْخ فیضه گؤز یاشدان
چوْخ آغلاماق ایستیر اور‌ک باشلا سؤزی باشدان
ای غنچه گللر پاره‌سی، لایلای علی لا‌یلای
---------
شعراز:مضطر اردبیلی