زبانحال مادر

 

اوْخلانان الیمون اوسته
لایلای ای صود امر اوْغلوم
یات بوقانلی سینم اوسته
لایلای ای صود امر اوْغلوم
یات علی عجب یاتوبسان
لایلای ای صود امر اوْغلوم
--------
مطلبه بوگون چاتوبسان
یوْخدی سو،سوسوز قالوبسان
شورعالمه سالوبسان
من سنی علی گتیردیم
دشت کربلایه میهمان
باغلادیلا سویوْلونی
ظلمیله بوقوْم عدوان
من غریب زاری سند‌ن
ائتدی حرمله پشیمان
سویرینه ویردی پیکان
لایلای ای صود امر اوْغلوم
--------
گرچه قدّیمی بوکوبدور
فرقت علی وْاکبر
روزحشره تک ساغالماز
غملی سینه‌دن بوغملر
اصغریم سنین بودردین
اکبریمدن اوْلدی بتر
حسرتیله وئرماقون جان
لایلای ای صود امر اوْغلوم
--------
اوْل زماندا شـاه دینین
عرشه اوْج ایدوب فغانی
حلق نازکینده پیکان
اصغرین چخاندا جانی
حسرتیله چکدی بیرآه
آهی یاندیروب جهانی
اوْلدی محشریم نمایان
لایلای ای صود امر اوْغلوم
--------
آغلارام علی بوحاله
سوْلدی گللریم چمنده
آهوتک بوکربلاده
سالدیلارسنی کمنده
حسر‌تیله وئرمیون جان
قوْیمیوبدی تاب منده
ایستی گون اؤزون لب عطشان
لایلای ای صود امر اوْغلوم
--------
لشگریم قریلدی اوْغلوم
یوْخدی بیرجه یاروْیاو‌ر
خیمییه سنی آپارسون
ساغ دگول علی وْاکبر
آهوتک یارالی اوْغلوم
گؤزلوری یوْلوی مادر
خیملرده ایلورافغان
لایلای ای صود امر اوْغلوم
--------
یات علی عجب یاتوبسان
مطلبه بوگون چاتوبسان
یوْخدی سو سوسوز قالوبسان
شرّعالمه سالوبسان
گتدی خئیمه‌گاهه نعشین
چکدی آه بیر جیگرد‌ن
سسلدی چیخون قباغه
گلدی اصغریم سفرد‌ن
اصغریم سوسوزدی سیراب
ایلیون سرشک ترد‌ن
قوْی آناسی سسله‌سین جان
لایلای ای صود امر اوْغلوم
--------
وار نقدری عمرون ائیله
گؤزلرون پرآب ذاکر
آغلاسا بو طفله هر کیم
واردی چوْخ ثواب ذاکر
حالی اصغرین حسینی
ایلدی کباب ذاکر
سؤیلدی اوْ شاه عطشان
لایلای ای صود امر اوْغلوم
--------
شعراز:ذاکر مراغه ای