اوخشاما

 

یانیما بابا گلدین
تالاندیم سوْرا گلدین
هایاندا قوْناقیدون
دوْداغی یارا گلدین
**********
رقیّم باشسیز اؤلدی
آج اؤلدی،باشسیز اؤلدی
یازون قبرینین داشنا
بوقیزقارداشسیز اؤلدی
**********
باشی بلالی اوْلدون
رختی عزالی اوْلدون
نه وطنه قیتدون
نه کربلالی اوْلدون
**********
من دییور‌م آی اوْلماز
یاز اوْلماسا یای اوْلماز
چوْخ ننه‌لر قیز دوْغار
رقیّمه تای اوْلماز
**********
غمیم غمده‌ن باش اوْلدی
ازبریم قارداش اوْلدی
یوْللاردا منله یوْلداش
بیریارالی باش اوْلدی
**********
زمانه یوْردی منی
یوْردی ئؤلدوردی منی
من دئدیم بابام هاردا
ساربان دؤیدی منی
**********
حرم سراجییم من
بابا محتاجیم من
منه باخوب گولمییون
قارداشسیز باجیام من
**********
فلک بیله بولیمیش
سنی یتیم ائلیمیش
مندن گیلیلی اوْلما
سنین یازون بلئیمیش
**********
داغلارباشی دوماندی
زینب بو غمده یاندی
رقیّم ئؤلدی آلله
خرابه‌لرده قالدی
**********
طبیبیم دوا گتدین
وئرمنه بابا گتدین
منزلیم پوْزولموشدی
خوْش گلدین صفا گتدین
**********
قلبیده سؤزوم گلدیم
قالمادی دؤزوم گلدیم
گلمدی ابالفضلیم
گؤروشه اؤزوم گلدیم
**********
غم دفتریم دوزه‌لدی
قلبیمده اوْد کؤزه‌لدی
خرابده گول اکدیم
هرگللرد‌ن گؤزه‌لدی
**********
گئجم وای گوندوزوم وای
ایشقلی اولدوزوم وای
خرابه گوشه‌سینده
یوْرقون یاتان قیزیم وای
**********
گه دئدین اکبریم وای
گه دئدین اصغریم وای
ایندی گر‌گ من دییم
ننه‌مه بنز‌ریم وای
**********
حسینیمون مارالی
هارالیسان هارالی
گزدون منله دوْلاندون
آخراوْلدون هارالی
**********
لاادری