عرض ارادت به ساحت مقدسه حضرت زهرا


ای اولان شانیده مافوق جهان یازهرا
زینت گلشن فردوس جنان یازهرا
ای گؤزه ل مقدمینین حسرتی سکّان فلک  
وصف ائده شا نیوی قا صردی زبان  یا  زهرا
شان واجلالیده یوخدور سنه همپایه اولان
سنی،تنهایارادوبدور، یارادان یازهرا
کافرم، شانیده ، مریمله سنی بیر سایسام
اوهارا ، سن هارا ، ای فخر زنان یازهرا
او،بیر عیسی گتوروب عالمه ، سن اون بیرینی
هربیری شانیده مافوق جهان یازهرا
نئجه انشاد ائیله یم شان وجلالین که سنین
شان و اجلالوه یوخ مرز و کران یازهرا
اولساعالمده هامی گلشن و گلزاری خزان
سن ، اوگل سن سنه یوخدی خزان یازهرا
ماسوانی سیزه خاطر یارادوبدور ، یارادان
یوخسا اولمازدی بو وُسعتله جهان یازهرا
زینبی که اونون ایثارینه پاینده  دی دین
او،سنین همّتوی وئردی نشان یازهرا
سنه لایقدی بیله بیر قیزا مادر اولاسان
اِله زینب اولی سن تک آنادان یازهرا
آرزو،ایلمز هرگز اوزونه باغ جنان
سنین عشقینله جهاندا یاشیان یازهرا
ایکی دنیامنه بسدور قاپوزون نوکریم
شاهلارا شاهدی سیزه نوکر اولان یازهرا
ای اولان دردی گئدوب دردیوی اغیاره دیمه
اولسا دردین دینه بیر یول اوجادان یازهرا
دُوی دَرِفاطمه نی دُویمه اطبّا قاپسین
سسله گلدیم پای آلام بو قاپیدان یازهرا
سایل درگهوم سویله خانم ، ائیله کرم
اَلی بوش سالما سن بُول آتان یازهرا
حیف اولابولمدیلرقدریوی ای جان نبی
ویردیلار اود قاپیا اولدی اولان یازهرا
ثانی اولدوردی سنی یوخسا جوان اولمزیدون
عمریوین گلشننی ائتدی خزان یازهرا
عدلجویم  دل آچاندان آدیوین عاشقیم
اوتوز،ایل سسله میشم اشک فشان یازهرا
جان وئرنده باشیمین اوسته اگر گلمیه سن
وئرمرم،آنداولا ئوز جانوه جان یازهرا
..........................
احدعدلجو