روضه حضرت زهرا

 

اوگونکی گیتدی الیندن آتاسی زهرانون
اوجالدی گوگلره آه وفغانی زهرانون
حیات عاریه دن ایله تنگه گلمیشدی
فقط بیرئولماقیدی مدّعاسی زهرانون
دیردی سجده ده ریحانه رسول خدا
وفاتینی یاخون ایت ای خداسی زهرانون
دیوب دعاسینه سکّان نه فلک آمین
که استجابته یتدی دعاسی زهرانون
یاخونلاشوب اجلی اولدی بستری ناخوش
گلوبدی بیرگون ایوه دلرباسی زهرانون
گوروب بتول یاتوب روبه قبله افسرده
کسوب علاقه بدندن قواسی زهرانون
دیدی گوزآچ اولوم آغلارگوزووه من قربان
گوروب کی دینمماقا واربناسی زهرانون
اورکلنوب دیدی آخرعم اوغلووام زهرا
بوسوزده جوشه گلوبدور وفاسی زهرانون
آچوب گوزون دیدی گل باشیم اوسته بیراگلش
عم اوعلی یاعلی وارالتجاسی زهرانون
یاخونلاشوب حسنینیم یتیم اولا ئولورم
واریمدی نچّه سوزای مه لقاسی زهرانون
ازل بودور گجه ویرغسلومی گجه کفن ایت
بودور اورکده کی درده دواسی زهرانون
قاپومی یاندوران اشخاص قویما گلسونلر
اولاردی علت رنج وعناسی زهرانون
سینقدی زینبیمون قلبی سن نوازش ایله
بوسوزده وارسنه چوخ التماسی زهرانون
حسندن اینجسه قلبون بغیشله اونی
ملول قویما اولا مجتباسی زهرانون
خصوص اوغلوم حسین جدینون امانتی دور
اودور گوزونده عم اوغلی ضیاسی زهرانون
حسینیم آغلاسا چوخ روحیمه اذیّت اولور
چیخارسپهره فغان وبکاسی زهرانون
ایشیتموشم بوحسینون سوسوز کسلّه باشون
فزون الورغم بی منتهاسی زهرانون
-----------
چهارده معصوم_ مرحوم حسینی سعدی زمان