ورود بکربلا- زبانحال امام حسین به حضرت زینب

 

ای بلالی زینب، حاضر اوْل بلایه
قافلم یتیشدی دشت کربلایه
بوردا امتحان وئرر‌م
 دین یوْلندا جان وئرر‌م
ای بلالی زینب
**********
بومنای عشقین،وارگؤزل صفاسی
یتمیشه یاخین وار،مه لقا فداسی
باشلاریندا واردور،دین حق هواسی
بوردا جوش ائد‌رقانلار
قان ایچلله قربانلار
ای بلالی زینب
**********
عهد آلوبدی مند‌ن،ذات پاک جانان
جانیمی ائد‌م بو،دین حقّه قربان
قوْیمارام کی نُقصان،تاپسون عهدوْپیمان
من وارام سؤزوم اوسته
هربلاگؤزوم اوسته
ای بلالی زینب
**********
دیندی گلسِتانین،غملی باغبانی
دؤزمرم گؤرنده،آفت خزانی
قوْیمارام کی سوْلسون،بیله گلسِتانی
سویرینه قان وئررم
باغ دینه جان وئرر‌م
ای بلالی زینب
**********
گللریم بوچؤلده،تشنه سوْلسا سوْلسون
قانلا باغبانین،چشمی دوْلسا دوْلسون
گرخزان بوعمروم،باغی اوْلسا اوْلسون
باغ دین باهاراوْلسون
حکمی پایداراوْلسون
ای بلالی زینب
**********
واردی بیر ائلیم باش،فکرینی آتاللار
قانه دین یوْلندا،تشنه لب باتاللار
توْپراقا بوچؤلده،قانلارون قاتاللار
لاله رنگ اوْلار بویر
شوریله دوْلاربویر
ای بلالی زینب
**********
اکبریم دوشرگول،جسمیده یاراسی
کربلانی چولقار،عطردلرُباسی
نعشی اوسته اوْخشار،شوریله آناسی
آه وْزارائد‌ر لیلا
چؤللره دوشرلیلا
ای بلالی زینب
**********
قاسم جوان بو،سینه‌مین قراری
یعنی مجتبا‌نین،نازلی یادگاری
جان وئرر بدنده،زخمی بی‌شماری
آغلادارمنی آغلار
اوْدلی سینه‌می داغلار
ای بلالی زینب
**********
قارداشیم ابالفضل،گؤرسه‌در وفاسین
توْپراقا سالاللار،قامت رساسین
آرتورارکنار،علقمین صفاسین
باغ عشق اوْلارعلقم
عطریله دوْلار علقم
ای بلالی زینب
**********
من اؤزوم یخیللام،دلده سوزوْسازیم
سویانندا قاندور،آب دستمازیم
قانلی قتلگهده،واردی بیر نمازیم
ئؤللم اوْل نمازاوسته،عشق بی‌نیاز اوسته
ای بلالی زینب
**********
شاعر:  تائب تبریزی