زباحال حضرت زینب در کوچ از قتلگاه

 

گلستاندا آچوب گللر، گلیب آوازه بلبلر
ائدیر نوحه یانان دللر، حسینیم وای حسینیم وای
غمون دنیانی آغلاتدی، نه بو نالانی آغلاتدی
آنان زهرانی آغلاتدی، حسینیم وای حسینیم وای
باجون ئؤلسون بو نه حالدی، آرادا پئکرون قالدی
منی چؤلدن چؤله سالدی، حسینیم وای حسینیم وای
جداده اوْلدی معراجون، دوشوب الد‌ن اله تاجون
طنابه باغلانوب باجون، حسینیم وای حسینیم وای
یوْخوموش رحم بجدلده، قالبدور بارماقون الده
بیلکلر قانلی مقتلده، حسینیم وای حسینیم وای
یوْخوندور سایبان گؤردوم، سینوْندان اوْخلاری دردیم
یئرینه زولفومی سردیم، حسینیم وای حسینیم وای
قالبدیر پیکرون یرده، چکیب قان یاروه پرده
لباسین قالمیش اللرده، حسینیم وای حسینیم وای
بالا قیزلار اسیر اوْلموش، حَرملر دستگیر اوْلموش
باجون بیر گونده پیر اوْلموش، حسینیم وای حسینیم وای
ایکیمیز باغلادیق پیمان، منیم صحرا، سنین میدان
سن عریان، زینبون ویلان، حسینیم وای حسینیم وای
هاچان دردون چیخار یاددان، سنی اؤلدوردیلر عطشان
آنام زهرا سنه قربان، حسینیم وای حسینیم وای
دوشوبسن گؤرنه احواله، باخان آغلار بو گوداله
سنه دشمن ائدر ناله، حسینیم وای حسینیم وای
هواده قوشلار آغلالّار، یر اوسته داشلار آغلالّار
جداده باشلار آغلالّار، حسینیم وای حسینیم وای
سنین ای «نیّرموکب» دوزولموش دوروه کوکب
دالینجا سیر ائدر زینب، حسینیم وای حسینیم وای
یازوب سعد اوْغلی برنامه، دوشوب اهل حَرم دامه
قطاریم باغلانوب شامه، حسینیم وای حسینیم وای
قزل قانون بوگیسوده، گئدیرم ماتم آلوده
حسین جان سن یات آسوده، حسینیم وای حسینیم وای
یانوندا اکبرون قالسین، سینوْنده اصغرون قالسین
بلاده خواهرون قالسین، حسینیم وای حسینیم وای