زبانحال حضرت زینب در وداع امام حسین

 

منیم پناهیم امید‌گاهیم،
دایان حسینیم سنه سوزوم وار
ئوپوم ایاقون یانان ددوداقون،
امان حسینیم سنه سوزوم وار
----------
دایان براد‌ر عزیز ماد‌ر،
گلیردالینجا پیاده زینب
هارا گئدیرسن؟ شتاب ائدیرسن؟
قالوبدی بحربلاده زینب
----------
نه چاره ائیلیم یانیربوقلبیـم،
چکیبدی درد زیاده زینب
وداع آخر توقف ائت بیر،
زمان حسینیم سنه سوزوم وار
باجیوا لطف ائت بیرآزدایان گئت،
اماندی قارداش آماندی ئوللم
----------
گوزومده یاشیم آغاردی باشیم،
غمیم بیلیرسن گراندی ئوللم
اگیلدی قدیم، یارالی قلبیم
خد‌نگ ظلمه نشاندیر اوللم
ترحم ائیله آتووا وئرمه،
عنان حسینیم سنه سوزوم وار
----------
بو غمده قیزلار غمه گرفتار،
حرمسراده قالیبدیر آغلار
او فوجی آیا بو چولده تنها،
بلالی زینب نه نوعی ساخلار
تعجبیم وار مگرآتالار،
بالالارینی بو نحوی یوخلار
کومکلری یوخ، بلالری چوخ،
اینان حسینیم سنه سوزوم وار
----------
اگربراد‌ر قییتماقین وار،
اوکهنه کوینک ندور بد‌نده
ئورک سیخیلدی ایویم ییخیلدی،
او کوینگی سن آلیب گینده
منه بس اولدی، مشخص اولدی،
سنی سویالار یقین ئولنده
همیشه مغموم همیشه مظلوم،
اولان حسینیم سنه سوزوم وار
----------
قیزون رقیه دیینده عمه،
هانی بابام بس ائدیم نه چاره
نئجه دئیم من گئدیبدورالان،
خیامه گلمز‌ بابون دوباره
او باغری قانلار او آغلیانلار،
بالالاروندور ائدیر نظاره
آتیب گئدیرسن اوْلارا سن سن،
گمان حسینیم سنه سوزوم وار
---------
شاعر: انور اردبیلی