احوالات قتلگاه امام حسین(ع)

 

دی مرتضایه ای صباحسین یارالی جان وئرور
الستده ائتموش عهدینون،وفاسینی نشان وئرور
**********
علی ولی ذوْالجلال،فلکده دودآهه باخ
رعیّته قوْناق گلن،کر‌ملی پادشاهه باخ
اگرحسینون ایسته سن،گل گوْدقتلگاهه باخ
گون ایستیسنده تشنه لب،خدایه امتحان وئرور
**********
دوْلوبدی کربلاچؤلی صدای های وْهوئیله
قوْشون ائد‌وللرهلهله،عجیبه گفتگوایله
حسین دوشوبدی سجد‌یه،خضوعیله خشوعیله
خدای لامکانه اؤز،مرامینی نشان وئرور
**********
حسینیوین قتالینه،سپاه کفرائدوب قیام
قلیج ووراندی اوْخ آتان،دوتوبدی دوْره‌سین تمام
نه اوْغلی وارنه قارداشی،وحیددورغریب امام
عداو‌ت قدیمینی نشان اوشامیان وئرور
**********
بصیرتیله گؤرموری،بیری شرارآهینی
قوْیوبلاچشم ترهامی،عیال بی‌پناهینی
داشیله داش اور‌کلیلر،ووروبلا سجده‌گاهینی
صدای وامحمّدا،تمام قدسیان وئرور
**********
خیال ائدوبدی شاه دین،وئره نمازه امتیاز
آلوبدی قانیله وضو،قیلا اوْحالیده نماز
قوروب اوْگیروداریده،چوْخوریراوزره بزم راز
نهان سرّی عالمه،اوْ نوعیله نشان وئرور
**********
شهین اوْقانلی صور‌تی،اوْلوبدی جلو‌گاه نور
کلیم وارثی ائدوب،چوخوریری مثال طور
یوزون قوْیوبدی توْپراقا،دیلونده ذکریا غفور
نجات امتّه دعا،اوْشاه انس وْجان وئرور
**********
یتیشدی جبر‌ئیل اوْدم،قانادین ایتدی سایبان
گؤزآچدی حال سجد‌ده،عزیزحی‌لامکان
گؤر‌ن کیمی اوْسایه‌نی بویوردی کیمسن ائت بیان
سنین بوسایه سالماقون،وجودیمی نهان وئرور
**********
امام کل عالمه،جواب وئردی جبر‌ئیل
که ای وجودی طیبی،اوْلان یارانمیشا دلیل
امین وحی خالقم،بوگونده گلمیشم دخیل
ازل کی دایه شهپرین،بوگونده سایبان وئرور
**********
بویوردی شاه انس وْجان،چکیل کناره جبر‌ئیل
گرک بوحالیمه بابام،ائده نظاره جبر‌ئیل
گؤره ننوع سان وئرور،بد‌نده یاره جبر‌ئیل
بیله منه نجه جفا، بوگون بوکوفیان وئرور
**********
همیشه دلکش ایتگیلن تو‌سّل آل حید‌ره
حسین دامنین دوتان،اوْلور امید اوْ سرو‌ره
مدام نوحه یازگیلن،عزیز شاه محشره
خدا اوْنون جزاسینه،بهشت جاودان وئرور
**********
شاعر : دلکش