راز ونیاز حضرت اباعبدالله الحسین(ع)

 

دوتموشام جان نقدین الده وصل جانان ایستیرم
تشنه لب جان وئریر‌م منای عشقیده جان ایستیرم
**********
دم به دم ائیلر تجلّا پرتوی انوارذات
اوْلمارام موسی کیمی بیر جلوه ئیله محووْمات
خضر تک بو عصریده آختارمارام آب حیات
تئشنه‌ی وصلم گویول جامین دوْلی قان ایستیر‌م
**********
تشت زرایچره قزل قانیم آخاریحیی کیمی
کربلا میدانی دوْلموش قانیلن دریا کیمی
زینبیم اوْلسون پریشان خاطری لیلا کیمی
پایبندزلف اکبردیر، پریشان ایستیر‌م
**********
طایراوج وفایم، شهپریم تیرجفا
ائیلرم روزازلده ائتدیقیم عهده وفا
بو لب عطشانیلن اوْللام ذبیحا بالقفا
خنجرقاتل دمیندن آب حیوان ایستیرم
**********
گلشن جسمیمده زخم تیر آچیلمیش گول کیمی
هر طرف پیکان دوزولموش سینه‌مه سنبل کیمی
ایسته‌ر‌م گلسین سکینه‌م نالییه بلبل کیمی
قتلگه گلزارینه مرغ خوْش الحان ایستیر‌م
**********
مین بلایه مُبتلا اوْلسام اگر ایّوب تک
ائیلر‌م صبر، ائتمرم شوروْنوا یعقوب تک
دمبدم، ساعت به ساعت، عاشق مجذوب تک
بیر بلایه وئرماقا شوقیله مین جان ایستیر‌م
**********
کسب ایدوب مرآت انوارمحبّتلن جلا
اوْلموشام سرمست جام البلاءُ لِلوِلا
بزم وحدتدور منه بو سرزمین کربلا
ترک کثرت ائتماقا، بیر نوک پیکان ایستیرم
**********
بیر طرفده کاکُل اکبر بوْیانمیش قانیله
بیرطرفده اصغریم سیراب اوْلوب پیکانیله
بیر طرف جان وئردی عبّاسیم لب عطشانیله
بیر طرف اؤز جسمیمی خاکیله یکسان ایستیر‌م
**********
جلوه‌گاه محضرینده ایلر‌م سعی وْصفا
خیمه‌گه میقات وْمَشعر، قتلگه کوه مِنا
ایستر‌‌م بیر اکبروْعبداللّهیم اوْلسون فدا
بو بلا دشتینده یتمیش ایکّی قربان ایستیر‌م
**********
شعله‌نارمحبّتله دوْلوب کانون دل
وادی حیر‌تده لیلا آختارور مجنون دل
مجلیسیم خلوت، گؤزوم یاشلی، شرابیم خون دل
گلماقا بو بزمه بیر تازه مسلمان ایستیر‌م
**********
بیر یتیش فریادیمه، ای پادشاه کم سِپَه
زورق جسمیم اوْلوب مستغرق بحرگُنَه
گرچی صرّافم ذلیلم روسیاه
عرصه‌ی محشرده سند‌ن الده فرمان ایستیر‌م
**********
شعر از : مرحوم صرّاف تبریزی