حلول ماه محرم

 

دنیاگئیوندی قاره،یکسرحسینه خاطر
قان آغلیوربوآیدا،گؤزلرحسینه خاطر
**********
بودهه‌ی محرّم،ایّام غم‌فزادی
هرشهروْهردیار،اسلامیده عزادی
وورسینه سسله مولا،فرض ائیله کربلادی
اوْلسون عیان بویرده،محشرحسینه خاطر
**********
ای قاره‌پوش اوْلانلار،ای یا حسین دیینلر
ساخلارادب مقام،مولاده یاخچی نوکر
الآن گلوب عزایه،زهراده قاره معجر
یاندوم دییراوْغملی،مادرحسینه خاطر
**********
گرواردی عشق پاکون،آچ دیده‌ی بصیرت
دلده حسینی سسله،تاپ روح معنویت
حاکمدی بوعزاده،باخ گؤرنجه قیامت
محراب اوْخورسیزیلدار،منبرحسینه خاطر
**********
قان آغلیوب مَلکلر،کرب وْبلا غمیند‌ن
جبریل اؤپوب حسینین،پاکیزه مقدَمیند‌ن
سنده هایاندا گؤرسن، ئوپ قاره پرچَمیند‌ن
ساخلا اوْنی گؤزاوسته،سرورحسینه خاطر
**********
گلدی دیارعشقه،سلطان رادمردان
جانانه تُحفه گتدی،یتمیش وفالی قربان
یوْخ گؤردی سو ائدیبدور،طفلان عشقه اعلام
یانسون سوسوزلقندان،لب‌لر حسینه خاطر
**********
حیران ائدوب حسینین،ایثاری انبیانی
گؤردی بلشدی قانه،اکبرکیمی جوانی
گؤند‌ردی تز دالیجا،دلبندمُجتبانی
قاسم بوْغازین اؤپدی،خنجرحسینه خاطر
**********
قزلار یانوب عطشد‌ن،سسلردی دمبدم سو
عبّاس اوْ شیرمردان،مردافکن وفاجو
نهرفراته گلدی،سوآلدی وئردی بازو
دوشسون دئدی تُرابه،اللَر حسینه خاطر
**********
آلدی گولون قوجاقه،همّت‌لی باغبانی
بازارعشقه گتدی،کالای‌ پُر بهانی
پیکان ظلمین اوْلدی،دلسیزبالا نشانی
اوچ شعبه تیری امدی،اصغرحسینه خاطر
**********
ائیله وضوءگلنده،بوبزم ارج‌داره
پاکیزه‌لیقدا گلسین،نوکرلیقون عیاره
حُرمت یتیر وضوءسی،آلقان اوْلان نگاره
قوْی صدق عشق اوْلسون،اظهر حسینه خاطر
**********
گرصاحب خطاسن،آلوده دامنون وار
گئی قاره گل بوبزمه،دردون دواسین آختار
لقمان کلّ عالم،مظلوم حسینه یالوار
گئچسین خطالروندن،داورحسینه خاطر
**********
گرغصّه وار دیلونده،باشون دشوب بلایه
یا واردی بیرمریضون،عاجزقالوب دوایه
گل بوردا نسخه یازدور،سقّای نینوایه
بیماری فورا ائتسون،بهترحسینه خاطر
**********
شاعر: سید تقی سیفی اردبیلی