زبانحال امام حسین در ورود بکربلا

 

هله گلشَنین گولی سوْلمئیوب
آنام آغلاما، باجیم آغلاما
هله ساغدی قارداشین اؤلمئیوب
آنام آغلاما، باجیم آغلاما
آنامون عزیزه قیزی باجیم
هله اوْلما مایل دردوْغم
قوْشونوم دورار هامی بیر به بیر
هله یاتمئیوبدی اسیر عَلَم
هله صاحبعَلَم اؤلمئیوب
هله ائتمئیوبله قوْلون قلم
هله مشکی قانیله دوْلمئیوب
آنام آغلاما، باجیم آغلاما
هله قوملار اوستونه دوشمئیوب
باجی اکبرین قدنورسی
گون ائوینده ظلمیله قالمئیوب
هله پاره پاره جنازه‌سی
هله خئیمه‌لرده‌ن اوجالمئیوب
گؤیه لیلینین بالا وای سسی
هله مشکی قانیله دوْلمئیوب
آنام آغلاما، باجیم آغلاما
هله پوْزمئیوبله تیفاغیمی
هله رونقی وار اساسیمین
هله قوْیما ایندی عم اوْغلی وای
دییه نو عروسینی قاسمین
هله یاسه باتما چوْخ آغلاما
هله ابتداسیدی یاسیمین
هله مشکی قانیله دوْلمئیوب
آنام آغلاما، باجیم آغلاما
هله ئولمئیوب ایکی نورسین
جیگرین باشی هله یانمئیوب
هله زلف کاکُل اکبریم
باجی آلقانینه بوْیانمئیوب
هله آغلاماز علی اصغریم
هله ظلم اوْخیله‌ن اوْیانمئیوب
هله مشکی قانیله دوْلمئیوب
آنام آغلاما، باجیم آغلاما
هله آغلاما قالیر آغلاماق
لیقیوین زمانه ده چوْخ یئری
باجی زینب آغلاما ساکت اوْل
دئمه ساکت اوْلماغا یوْخ یئری
هله یوْخ باشیمدا قلج یئری
بدنیمده یوْخ هله اوْخ یئری
هله مشکی قانیله دوْلمئیوب
آنام آغلاما، باجیم آغلاما
بو دیاریده ای آنام باجی
هله ظلم لجّه‌سی داشمئیوب
هله لشگرستموْجفا
سیزه جوروْظلم الین آشمئیوب
هله خئیمه‌گاهیم آلیشمئیوب
هله عترتیم چؤله قاشمئیوب
هله مشکی قانیله دوْلمئیوب
آنام آغلاما، باجیم آغلاما
هله شیشه ی دل صافیوی
باجی غم کدورتی باسمیوب
هله دین اساسی پوْزولمیوب
هله صرصرستم اسمیوب
هله ظلم عرشه دایانمیوب
هله شمر باشیمی کسمیوب
هله مشکی قانیله دوْلمئیوب
آنام آغلاما، باجیم آغلاما
هله هست عشقیله هست سن
هامو‌دان علاقه‌نی کس رضا
هله کی حسین پرست‌سن
بو سؤزیله وئر اوْنا سس رضا
هله سوزدردیله مست سن
نه‌دی بو هواوْهوس رضا
هله مشکی قانیله دوْلمئیوب
آنام آغلاما، باجیم آغلاما
--------
مرحوم صراف تبریزی