درجلالت حضرت علی(ع)

 

حشره کیمین اونوتماروخ، عید غدیرى یا على!
سن‏سن ازلدن آخره خلقین امیرى یا على!
مهر و وفا سپهرینه گوندو رسول مصطفا
برج ولایتین سنن بدر منیرى یا على!
قلبیمه یازمیشام آدین گول کیمى ایئلرم مدام
نیلییور‏م بو دهریده مشک و عبیرى یا على!
عالِم علم غیبسن، چشمه هر علوم‏سن
علم لدُنّیلن بیلن سرّ ضمیرى یا على!
گویده دئیوبدى جبرئیل یوخدى على کیمین جوان
دهریده ذوالفقاریوون یوخدى نظیرى یا على
آدیوه روحیمیز فدا، شأنیوه جانیمیز فدا
حق سنه واگذار ائدوب امر خطیرى یا على!
ایلدى جانشین سنى امر حقیله مصطفا
آگه ائدوب بو نکتیه خرد و کبیرى یا على
غاصب اولوبدى حقّیوه ییرمى بئش ایل لعین‏لر
غصب اولونوب خلافتین تخت و سریرى یا على!
اى گئجه‏لر یوزون قویان تپراقین اوسته آغلیان
جنگیده حىّ سرمدین غیضیلى شیرى یا على!
قاتلین ابن ملجمه ذرّه اذیّت ایتمه‏دین
ساخلیان احترامیلن ائوده اسیرى یا على!
اولسا لیاقتیم منیم دامنیوى بوراخمارام
سن بیل حسینوین جانى قؤوما «بشیر» یا على
**********
شاعر : سیّدبشیر