زبانحال حضرت زینب(س) در اربعین

 

هیچ کیم منیم تک آتش هجرانه یانمادی
پروانه ده بو نوعیله اوتدا دایانمادی
      *****
مجنون اگر چه کوه و بیابانی گزدی چوخ
صحرای عشقی لیک بوقدری دولانمادی
     *****
چوخلارجهاندا غالب و مغلوب اولوب ولی
هیچ پادشاهون اهل وعیالی تالانمادی
     *****
چوخ نسگل اولدی زینبیوه ای عزیز جان
سن جان ویرنده گوزلریوی باغلیانمادی
     *****
قارداش ئولونجه زینبی بودرد یاندیرارر
گول جسمیوی مزاره بو بیکس قویانمادی
     *****
شام اهلی شامیده دیدیلر خارجی بیزه
آل پیمبروخ دیدوخ هیچ کس اینانمادی
     *****
خواب بقایه گیتدی رقیّه خرابه ده
هر نه فغان و نالیه گلدوخ اویانمادی
     *****
بیر نصف شب خرابده شام خرابیده
توپراقلار اوسته ایستدی یاتسین یاتانمادی
------
ذهنی زاده