شعر ترکی بنا به درخواست دوست بسیار عزیزم جناب آقای هادی ولیپور

زبانحال حضرت مسلم(ع) به امام حسین(ع)

 

یوخ کوفه نون اهلینده وفا گلمه عم اوغلی
بوشهریده یوخ صلح وصفا گلمه عم اوغلی
**********
گلمه بوجفا پیشه یره ای شه خوبان
بو کوفه نون اهلین تانورام،من سنه قربان
گلسن بورا ایلله سنی قانیوه غلطان
یوخ ذرّه بومللتده وفاگلمه عم اوغلی
**********
بوشهره ساری عترت طاهانی گتورمه
اصغر آناسی غمزده لیلانی گتورمه
گلسنده آقا زینب کبرانی گتورمه
اجلالی اولار بوردا فنا گلمه عم اوغلی
**********
ای خسرو خوبان جهان حجّت دادار
گلمه بو یره قافله ده صود امرون وار
یوخ رحم بولاردا او گل نورسی اوخلار
رحم ایله او دلسیز بالاوا گلمه عم اوغلی
**********
گلمه بورا چک قافله وی آیری دیاره
زهرا قیزینون گوندوزونی ایلمه قاره
رحم ایله سراپرده ده کی گول بالالاره
رحم ایلمز اشرار اولارا گلمه عم اوغلی
**********
گرچه سنه چوخ نامه یازوب دعوت آلانلار
ظاهرده دیوبلر سنه قرباندی بوجانلار
امضا ایلیوب قتلوی بونامه یازانلار
اولمازلا بولار اهل وفاگلمه عم اوغلی
**********
بوکوفه نون اهلینده آقا عاطفه یوخدی
بیزهاشمیانه بولارون کینه سی چوخدی
باشدان باشا گول جسمیمه باخ نیزه واوخدی
هرکس یتیشوب ووردی یارا گلمه عم اوغلی
**********
گلمه بورا اهل حرمون غارت ایدللر
آل اللهه بوشهریده خارجی دییللر
زهرا قیزینون باشینه کول بوردا توکللر
حرمت ایلمزلر قوناقا گلمه عم اوغلی
**********
شاعر:احد عدلجو
مجمع الاشعار یک
صفحه 167 تا 169