درشان وجلالت امام محمدباقر(ع)

 

نگار  خالق  مَنّاندی باقر                 
بِشیمجی اَخترتاباندی باقر
یقیناً مردِ با ایماندی باقر
دلِ اهل ولایه جاندی باقر
خُدایه سجده ده لرزاندی باقر
ولیکَن شیر نخلستاندی باقر
مُتون علم مافیهانی آشدی
جناندان رُتبه ده درگاهی باشدی
اولوبدورعشقینون عالم اسیری
جهانه گلمیوب گلمز نظیری
خلائِق شمعینه پروانه اولموش
زمانه عشقینه دیوانه اولموش
یازاندا آدینی خامَم اولور مست
وئریلمیش عشقینه بو سینه دربست
دل اهلینن سوروش دلبردی باقر
خلائق بنده دی سروردی باقر
اوخور بلبل گوله گلشنده باقر
دل اهلین چون چکوبدور بنده باقر
عزیز و دلبر عالمدی باقر
نگین حلقۀ خاتمدی باقر
بوتون زیبالیقا لایقدی باقر
خانم زهرایه چون عاشقدی باقر
خِصال حیدره دارادی باقر
صفای گلشن زهرادی باقر
جمال مه لقاسی مُنجلی دور
شَمایلده خودِ مولا علی دور
جمالیندان اولورحق نور ظاهر
بیزه دلبر فقط باقردی باقر
آناسی فاطمه بِنت الهُدادی
آتاسی ساجد آل عبادی
اوزی شاه عَجَم ، فخر عَربدی
آنادان مجتبایه مُنتَسَبدی
گویون هم کهکشانین ماهی باقر
تماماً شاهلاریندا شاهی باقر
علینون اوغلیدی برحَقدی باقر
اینان کی حقّیده مطلقدی باقر
تَوّلا اهلینه مولادی باقر
شرافت قطره دی دریادی باقر
دلِ اهل ولایه حَکدی باقر
یازیلموش طاق عرشه تَکدی باقر
پذیرش نامه قالو بلادی
سفیر جان نثارکربلادی
بولورسن هِش نَدن محبوب جاندی ؟
آدی ذکرلب کرّوبیاندی
ستون برحقِ دین خدادی
طلیعه دار جَمع اولیادی
گلِ خوش بوی باغ کبریادی
سفیردولت آل عبادی
دُرِجنت عیارِ فرشیاندی
امام فرشیان وعرشیاندی
کرملی درگهی باب الشفادی
دئنن دردون آقام درد آشنادی
خلوصیله چاغیر زهرا بالاسین
وئره تا دردیون بلکه دواسین
حسین ابن علینون مَه لقاسی
امام ساجدینون آی پاراسی
شِفا بخش مریضان جهاندور
نه چونکی حضرت سجاده جاندور
آتاسی مفخرکُلِ طبیبان
بالاسی ایلییراَمراضه درمان
یازا گوز یاشیله هرکیم عَریضه
آلارحُکم شفاعت هر مریضه
بشارت وِئرمریض و دردمنده
دئنن گل وادی احسانه سنده
دئنن قلبینده درد و مشگلونن
ائشیتسون دردیوی تا اوز دیلونن
مریضون وار؟شرارِ غمده یانما
زیارت ایسته سن ساکت دایانما
چاغیرمولامی گلزارین گل آشسین
بهانه آختارور تا مشگل آشسین
طبیب دردمنداندی ،آقادی
مَطبّی مجلس شورو عزادی
اوزی بی گنبد و صحن و سرادی
عَلاجسیز دردلره اما دوادی
اگرچه قبرینون یوخ سایه بانی
قویوب حیرتده اما عرشیانی
کرم دریاسیدور امواجی واردی
او قبره انبیانین بُرجی واردی
قلم سمت بَلایه اولما عازم
امام باقرَه گنبد نه لازم
دئمه قبری اونون بی سایه باندی
او قبرین گنبدی هفت آسماندی
ملکللر قبرینون خدمتگذاری
گجه گوندوز ائدوللر آه و زاری
دئییم آیا او قبرین سایه سینن؟
و یا اینکی دئییم همسایه سینن؟
یاتوبدی اوز آناسینان بقیعده
حَسن تک قیناتاسینان بقیعده
آلورگون نورینی خاک بقیعدن
تجلّی خانۀ پاک بقیعدن
بقیعنون تپراقی چوخ باشرفدی
دُر و یاقوت و الماسه صَدفدی
پریشانی پریشان ایتمه مولا
فراقونده اورک قان ایتمه مولا
شه بطحایه خاطر دوت الیمدن
خانم زهرایه خاطر دوت الیمدن
**********
شاعر : رامین محمدزاده