شهادت امام محمدباقر(ع)
 
امام باقری مسموم ایدوب بنی مروان
گتوردی نالیه کون و مکان دنیانی
وروبدی شیعه لرین قلبینه یارا اودنی
گتوردی نالیه جنتده شخص طاهانی
یارا وروبدی علی قلبینه هشام لعین
بو ظلمه داغلادی قلب شریف زهرانی
هامی وجودینه زهر جفا اثر ایلدی
دیزینده قالمادی طاقت بدنده امکانی
بالالارین باشی اوسته جمع ایلدی مولا
دهان درجنی آچدی دانشدی طولانی
طریق حقه ایدیب آشنا بالالارینی
بیوردی خلقه دیون حم متن قرآنی
علوم غامضه نی امر حقیله یاردی
نجیکه حضرت موسی یاروبدی دریانی
وصیت ایلدی بیر قطعه ملک وقف ایلدی
بیوردی حفظ ایلیون محور وصایانی
تمام عایدینی صرف ایدین مجالیسده
بیان ایدیب بیزه تاریخ مکه مینانی
بویوردی شیعه لرین مجمعینده مصرف ایدین
بو جمله ده اوزی کشف ایلیوب معمّانی
بویوردی آغلیالار من شهید مظلومه
منه ستم ایلیوب دشمنیم کماکانی
اوقدر ظلم ایلیوبلر بیانیم عاجزدی
بلر کسیکه مورخدی هر قضایانی
**********
شاعر: سید فیاض عرب زاده زنجانی

منبع : www.emam8.com