حلول ماه محرم

 

باشلاندی حسینون ایّام عزاسی
سیزدن کمک ایسترحقّین شُهداسی
قلبینده امام عصرین غمی آرتار
جهد ایله اماندور پوْزما بواساسی
**********
گرعشق حسینی درک ائتسن اؤزونده
اشگون قطراتین گیزلتمه گؤزونده
لبّیک دیلنده گؤز یاشی یوزونده
ائیله شه دینه خدمت بو سؤزونده
فرض ائت اوجالوبدورینصرنی صداسی
**********
تؤک شیشه‌ی دیلد‌ن رخساره گلابی
کیم آغلار حسینه، آرتیقدی ثوابی
فیض عبراتون یوْخ حدوْنصابی
عاجزدی ملکلر ائتسین بوحسابی
واضحدی بومطلب یوْخ چون وْچراسی
**********
ینصرنی بویوردی، سلطان حقیقت
بوکلمه ده اوْل شاه، ائتدی سیزی دعوت
ایندی بوعزاده هر کیم ائده خدمت
مثل اینکه شهادت اوْلموش اوْنا قسمت
البّته شهیدین جنّتدی بهاسی
**********
هر کیم وورا زنجیر، هر کیم وورا سینه
تنبیه ائلیوبدور خصم شه دینه
اوْن گون دوتولوریاس، هر ایلده حسینه
چونکه اوْ مقدّس، قانون سَببینه
دین نبوی نون مُحکمدی بناسی
**********
بوشأن وْجلاله، قربانم حسین جان
عالمده آچوبسان بیر سفره‌ی احسان
عرش حقه گئتدی، حلقوندن آخان قان
اوْل قانی وئروبسن جنّاتی آلوبسان
بوبارده حقّین وار عین رضاسی
**********
فکریمده دوْلاندی اوْل غملی زمانون
آغزیندا عطشدن دؤنمزدی زبانون
زینب کمگینه اوْلمادی توانون
سنگین یارالاردان جوش ائیله‌دی قانون
شمرین اوجالاندی میداندا صداسی
**********
شاعر: مرحوم یحیوی