زبانحال حضرت زینب(س) در کوفه

 

ای نوک جداده اوخیان آیه قرآن
لعل لب عطشانیوه زینب اولا قربان
**********
بورسمدی عاشق اولی بلبل گوله قارداش
بیرلطف ائله دیندیر باجیوی گل دله قارداش
وای زینبه باشون بلشیبدور کوله قارداش
بیرباش کی آنام فاطمه بسلردی گل اوسته
خولی نه جسارتله اوْنی قوْیدی کول اوسته
**********
هر یانه باشون گئتسه دالنجا گلر‌م من
گؤزدن یوزه قان یاش باجون ئؤلسون الرم من
بیریاره‌لی آهویه شبیهم ملر‌م من
قرآن سسیوه سن بولوسن چوْخ هو‌سیم وار
ال چکمر‌م ئؤلسمده حسین تا نفسیم وار
**********
مجنون کیمی صحرالری آردونجا دوْلاننام
باخدوقجا یارالی باشوا غمدن اوساننام
پروانه کیمی شمع شبستانیوه یاننام
پروانه کی باغلاندی قانادی اوچا بولمز
امیّد دؤنر یاسه داخی پرآچا بولمز
**********
سن تک گون ابوالفضل کیمی بیر قمر اوْلماز
اوْغلون علی اکبر کیمی شیرین ثمر اوْلماز
اصغر کیمی پیکانی امن سود امراوْلماز
دونیا بوْیی هربیرباجی بولسون بونی قارداش
بیکس باجیوین سن سن ایشقلی گونی قارداش
**********
لادری