عرض ادب محضر سروروسالار شهیدان

 

ای حسین ای کربلاشاهی سلام اولسون سنه
اودلانان ظلمیله درگاهی،سلام اولسون سنه
**********
ای شهید نیزه وخنجر،قتیل کربلا
ای چکن امتّدن اؤتری،عصریده بی حد بلا
عالمین جانی سوسوز اطفالیوه،قربان اولا
ای حجاز و مکّه‌نین شاهی،سلام اولسون سنه
**********
ای وئره‌ن آلله یولوندا قاسم و اکبر فدا
ای اولان عباسینون بیرجوت قولی تندن جدا
اصغرون قربانی اوللوق،یا ذبیحامن قفا
شیعه‌لر پشت و پناهگاهی،سلام اولسون سنه
**********
تیتر‌دوب آللاهین عرشین،صوت هل من ناصرون
تلّدن زینب دئدی،قربان سنه بوخواهرون
قویدولاریالقوزسنی اولمازدی کیمسه یاورون
ائتمدی بیرکیمسه همراهی،سلام اولسون سنه
**********
عصرعاشورا گونی،ای خیمه‌سی تالان اولان
نازپرورقیزلاری غارت گونی،ویلان اولان
اؤز باشی نوک جداده،زینبی نالان اولان
ای گئد‌ن تالانه خرگاهی،سلام اولسون سنه
**********
هانسی شاهه سایبان اولدی سنون تک جبرئیل
ای حسین ای نعشی عریان قانی توپراقه سبیل
سن کیمی کوه مناده هاردا جان وئردی خلیل
ای اولان بو عزت و جاهی، سلام اولسون سنه
**********
کیم وئروبدورسود اوشاقین،اوخلارا سن تک نشان
کیم سنین تک تشنه جان وئردی اولوبدور غسلی قان
کیم حقیقت عرصه‌سینده وئردی سن تک امتحان
نورچشم قدرت اللهی،سلام اولسون سنه
**********
ای اولان قرآن ناطق،سرورهربیرشهید
حق دئیوب حق ایسته‌دین حقدن دفاع ائتدون شدید
بیزکی مغروق گناهوخ،سن بیزه باب امید
مظهرفوق یداللهی،سلام اولسون سنه
**********
نادری ثبت ائت حسین فرمایشاتین دفتره
کیمده وارجرات حسین تک امرقیلسون لشگره
اگمرم من باش یزیده باشی وئرر‌م خنجره
پرچم نصراللهی، سلام اولسون سنه
**********
شاعر: نادری