زبانحال حضرت زینب(س) در اربعین

 

ای پادشاه انس وْجان، قارداش حسین گلدیم اوْیان
هجرونده گؤگلوم اوْلدی قان، قارداش حسین گلدیم اوْیان
**********
شامه گیدنده جیسمیوی، عریان قوْیوب گئتدیم حسین
گونلر ایوینده قانووا، غلطان قوْیوب گئتدیم حسین
قوْیمادیلار دفن ایلیم، عدوان قوْیوب گئتدیم حسین
شمرین جفاسیند‌ن امان، قارداش حسین گلدیم اوْیان
**********
هانسی مصیبتدن سنه، تقریر ائدیم توتماز دیلیم
بوندان شکایت ائتمر‌م، ویرانه اوْلدی منزلیم
چیخماز یادیمدان بو جفا، هرچند چوْخدور نسگلیم
گؤردوم لبینده خیزران، قارداش حسین گلدیم اوْیان
**********
آلسان خبر گئتدیم نئجه، شامه براد‌ر حالی سن
ائتدیله نه جوروْجفا، بوندان سراسر حالی سن
منزل به منزل نئیله‌دی، اطفاله لشگر حالی سن
ووردولا قمچی هر زمان، قارداش حسین گلدیم اوْیان
**********
هر رهگذرده شامیان، جوخه بئ جوخه دوردیلار
سنگ شماد‌تله گؤیول، آیینه‌سین سیندیردیلار
بعضی دئدیلر خارجی، بعضی‌سی طعنه ووردیلار
گه کف زنان، گه دف زنان، قارداش حسین گلدیم اوْیان
**********
سند‌ن سوْرا چوْخ یانمیشام، پروانه وار اوْدلارا من
گه کوفه ده گه شامیده، گزدیم حسین آواره من
گه بزم عامه گئتمیشم، گه کوچه وْبازاره من
اوْلدوم عجب بیخانمان، قارداش حسین گلدیم اوْیان
**********
اهل حرم یکسر گلیب، ماه مدینه گلمیوب
راحت ائدیب غمدن اؤزین، اوْل بی‌قرینه گلمیوب
غربت مزار، اؤلدی قیزون، نازلی رقیه گلمیوب
وئردی قوری یرلرده جان، قارداش حسین گلدیم اوْیان
**********
شعر از:مرحوم حسینی سعدی زمان