وداع امام حسین(ع)_گفتگو با  خواهرش
 
ای آنامون نشانه‌سی، آغلاما زینب آغلاما
تیره اوْلان زمانه‌سی آغلاما زینب آغلاما
**********
سن کی آنام نشانی‌سن، باجی بلایه صبرائله
عترتیمون گمانی‌سن،باجی بلایه صبر ائله
دردیوی دوت نهانی ‌سن، باجی بلایه صبر ائله
اوْل گیلن غم خزانه‌سی، آغلاما زینب آغلاما
**********
تؤکمه عذاره گؤز یاشون، زنده‌دی قارداشون هله
غارته آچمییوبدور ال شمروسنان وْحرمله
گلمه دالیمجا آهیلن عالمه سالما ولوله
تؤکمه سرشگ دانه‌سی، آغلامازینب آغلاما
**********
گل باجی بیر قوجاقلاشاق،ایندی کی غم دوتوب دیلون
گیچسه بیرآززمان قالور،قلبیده درد وْنسگلون
قاره گونون قاباقدادور،آغلا اوْلاندا منزلون
بیم‌لرآشیانه‌سی،آغلامازینب آغلاما
**********
ئؤلماقا گلمیشم باجی وادی نینوایه من
شانلی گونوم یتوب باشا،صبرائت قضایه من
ختمه یتر بوعرصده چون گئد‌ر‌م بقایه من
دوشمنیمون بهانه‌سی،آغلامازینب آغلاما
**********
نیزه وْتیغ وْتیرله،جسمی دوْلارحسینوون
گلشنی ظلم جوریله،ایندی سوْلارحسینوون
شمرین الینده اوْل زمان غارت اوْلار حسینون
خئیمه‌ی شاهیانه‌سی،آغلاما زینب آغلاما
**********
گؤردون ائلیکی توْپراقین اوستنه یاغدی قان باجی
اوْندا من غریب اوچون، ائیله‌گیلن فغان باجی
لشگرکوفه‌نین یئتر،گؤگلره اوْل زمان باج
حوصه‌ی شادیانه‌سی،آغلاما زینب آغلاما
**********
بیر ائله وقته جان سنین، جان بوحزین یتیملرین
ظلم وْجفائیله اوْلان، زاروْغمین یتیملرین
باشلارینا دگن زمان باجی همین یتیملرین
حرمله تازیانه‌سی، آغلاما زینب آغلاما
**********
شاعر :مرحوم یحیوی